Bu ta lebaba mi?

Nprecisa ser forti,
Pa n'aguenta tantu salabaku di nha kurason
Amor e bunitu skrebedu y feiu vivedu
Nkre ama mas dxan sta fartu di sufri
Y nen nka kre ser un hipokrita sensivel

Bu ta lebaba mi?
Si bu atxan na bera di morti
Ta mori di sodadi y vontadi di ka ixisti
Bu ta lebaba mi?
Si bu atxa nburdiadu na disusperu

Nha amor, nha mundu vira pedra
Nten medu di ama y xinti
Ken ki ta dexa pe ser kuidadu
Pa kenha k podi diskuida del?
Bu ta lebaba mi?

Nfarta di obi keli y kelotu
Ou gosi e asi oh asadu
Mas bu ta lebaba mi?
Si bu atxan na prigu di vida
Infin, bu ta lebaba mi?

mrvadaz 20090601