Karu Et,
Oxi pa purmeru bes nsta ben mostrau nha doti di kriolu. Bu ten razon na fla ma lê é ka nada, ami també nta konkorda pamodi ka ta inportan ten biblioteka mas sin sabi konteúdu di biblioteka. Kombersa ou papia ku nhô é interesanti pamodi pon ta peskisa un senas ki nka sabia. Nha kriolu dxa komesa fika portuuesadu (hehehe), mas é normal. Ami tb nta studa kriolu, sima nflaba nta volta a ripiti, nunka nfoi y nen nka ta ser kontra kriolu nunka mas sin nka ta konkorda ku polítika di ALUPEC, só isu. A seriu k nka staba ta ntendi kusé k bu kria fla ma nta papia un kriolu..., sen bai pa detalhis nkre flau ma mi nten konsiensia ma existi 9 varianti di nos kriolu y ken sabi ta bai ser 10 ora ki nleba nha familias pa la.
Na medida ki " Sampe ka ta anda ku sabarku", nkre fla nho ma "SAMPÉ KA TA SALTA KAMINHU GRANDI".
Enfin nkre fla nho ma nfika kontenti pamodi nhu ter aseitadu nha disafiu y fla nho també me ku humildadi ki nu ta prendi ma:
.Sen pé pari ku pé, ku pé pari sen pé;
.Surupu n'apu;
Uás-uás kan-kan rabu tan;
.N'ó-n'ó ou maran'anha ku dxágui-dxágui;
.Txuba na mar, simentera na tera;
Y por últimu nta flau: "Antis di sol kanba bai na pé di nburla bu koba, tra tres padaz di raiz pa nascer di sol y tres padás di raís pa kambar di sol. Bai na matu babosa bu kebra un rabu na mó y otu na txon, ti ki dá seti na mó y seti na txon, panha tres karós di bosta mula bu mustura y fasi un fumador. Fuma kantu di kasa y bu poi un ponta sinsa baxu kalbesera kama, ninhun fitisera ou finadu ou alga-rixu ta meteu ku bu familias"
Keli é un pikenu rilatu di un konhesidu na nha zona, tb rilatu sta inkompletu, na otu ora nta mostrau el mas ilaboradu! Enfin nta spera ma nha textu ka ta foi xatu pa bu lê.
Aseita un abrasu ku alma Kabuverdianu di,
MRVADAZ
Oxi pa purmeru bes nsta ben mostrau nha doti di kriolu. Bu ten razon na fla ma lê é ka nada, ami també nta konkorda pamodi ka ta inportan ten biblioteka mas sin sabi konteúdu di biblioteka. Kombersa ou papia ku nhô é interesanti pamodi pon ta peskisa un senas ki nka sabia. Nha kriolu dxa komesa fika portuuesadu (hehehe), mas é normal. Ami tb nta studa kriolu, sima nflaba nta volta a ripiti, nunka nfoi y nen nka ta ser kontra kriolu nunka mas sin nka ta konkorda ku polítika di ALUPEC, só isu. A seriu k nka staba ta ntendi kusé k bu kria fla ma nta papia un kriolu..., sen bai pa detalhis nkre flau ma mi nten konsiensia ma existi 9 varianti di nos kriolu y ken sabi ta bai ser 10 ora ki nleba nha familias pa la.
Na medida ki " Sampe ka ta anda ku sabarku", nkre fla nho ma "SAMPÉ KA TA SALTA KAMINHU GRANDI".
Enfin nkre fla nho ma nfika kontenti pamodi nhu ter aseitadu nha disafiu y fla nho també me ku humildadi ki nu ta prendi ma:
.Sen pé pari ku pé, ku pé pari sen pé;
.Surupu n'apu;
Uás-uás kan-kan rabu tan;
.N'ó-n'ó ou maran'anha ku dxágui-dxágui;
.Txuba na mar, simentera na tera;
Y por últimu nta flau: "Antis di sol kanba bai na pé di nburla bu koba, tra tres padaz di raiz pa nascer di sol y tres padás di raís pa kambar di sol. Bai na matu babosa bu kebra un rabu na mó y otu na txon, ti ki dá seti na mó y seti na txon, panha tres karós di bosta mula bu mustura y fasi un fumador. Fuma kantu di kasa y bu poi un ponta sinsa baxu kalbesera kama, ninhun fitisera ou finadu ou alga-rixu ta meteu ku bu familias"
Keli é un pikenu rilatu di un konhesidu na nha zona, tb rilatu sta inkompletu, na otu ora nta mostrau el mas ilaboradu! Enfin nta spera ma nha textu ka ta foi xatu pa bu lê.
Aseita un abrasu ku alma Kabuverdianu di,
MRVADAZ
