La de riba sakedu ta odja kes poku strelas ki inda sobra na céu des cidade
Enquanto nu ta papia kusas sen interesse
Bu surizo kontagia nha exitason
Di ka pega na palavras certas
Nem momento certo
De contau mo ki dentu mi staba ta ferbi de paixão
É ka medo de kontau
Ou diskunfiansa do ki nsta xinti pa bo,
É um misto de "nka sabe kusé"
Ki ka kre kontrariau nem na nha pensamento
Dento kel friozinho ki riska na nos meio
Bu olhar spia pa longe
Mesmo tempo ki é faze um radiografia di nos presença
Um specie de konvite ki nka ntende: nha speransa tirsidja!
Kanto ntenta percebel, na meio de noti nu staba,
É finkan um luz na fundo nha kurason:
Um luz ki ka flan pa nbai
Ki també ka flan pa nfika,
Ka flan nkreu um dia, gosi li
Ou nunca mais.
Simplesmente bu matan bu dexan pa n'vive!
Sima um "meio desorientado"
Despedaçado metedo num saco,
Nka sabe fla mo ki foi nos noti d'onti
mrvadaz, Lisboa 06 /09/14
