terça-feira, 14 de fevereiro de 2012

Na tempu surupu n'apu


Atenção! O poema que se segue em baixo contém linguagem susceptível a menores de 18 anos.

Na tempu surupu n'apu

É sima nflau...
Sima bu obi propi!

Na kes tempu
Ki nta baba ku baka txada
Kata bosta na ladera
Tra padja pa baka
Kori arku na txada
Mata txota ku flexa
Nhemi kana
O panta boi na trapitxi

É simé, na kes tempus la,
També nu ta baba katekesa
Da Gina benson diá Paxon
Furta koku guenti di noti
Ba skola pé na txon

També nu ta djugaba bola ratadju
Fana dedu na pedra
Djuga karanbola di pedra
Ou piska manel karadju
(Ah, pudia subi un katota mar na anzol)

Kestempu era sabi,
Kamoka na skola, leti papota,
Pera, perinha mas també diareia na kasa

É na kes tempu
Ki nu ta lebaba baka txada,
Lomba fartu kobi ku pexi seku pa cinza
Koka verdi otu dia,
Poi katxor na guerra,
Da gatu ku pedra,
Tra garafa pontis,
Fosi sukri tera,
Kumé txokó ou odju-boi

Kes tempu la ki nu ta odjaba
Mos ku txapéu sima forsador di burro,
Pé m'ó tonton di boi,
Testa m'ó fanadu skrepu,
Oredja m'ó mó na koxa,
Branku m'ó papaia anzedu,
Nariz m'ó mó di boi,
Ronkodju di merda!

Nu ta odja mininas
Ku pitada m'ó lapa
Nariz m'ó unha porka
Skrepa di merda,
Arichela,
Non presta,
Boka m'ó kabra na kumé nému-nému,
Kabesa m'ó kabra ki kumé lakakan!

Kes tempu la, dja bu sabi kusa é modi:
Omi ta da mudjer na kú,
(Si ben ki uns ta meresi)
Mudjer ta da omi banhu d'águ kenti
(Kés más malvada ta poi disflizanti)

Mas, kes tempu lá,
Txuba ta txobeba,
Azágua era bom,
Kumida ta daba.

Kes tempu lá,
Limárias era soltu na txáda,
Nu ka tinha MEDIDORIS DI VIOLÉNSIA!

8 comentários:

  1. Nhos sta alupekia mas di ki patron. ago kel titlo N ka konxe se sgnifikado, manda-m glosário. némo-némo.
    Bola ratadjo= bola de meias bedjo intxido ku finingi.

    ResponderEliminar
  2. Caro Et,

    Nha intenson é ka era di alupekia mas nta adimiti influensia de ALUPEC k nta domina mais ou menus di tantu studal freestyle.

    Nunka bu ka obi kel advinha "Surupu n'apu"? Surupu n'apu = banana ku kafé, ou seja, bu ta da un "surupu" di kafé y "n'apu" na banana.

    Nému-nému é fidjo di spinho branku, ou seja, kel fava de spinho branco ki ta txera sima kaldo galinha y k kabra ta adoral.

    Nhu volta sempri, ah muito tempu.

    ResponderEliminar
  3. Farti kusa sabi nhordes. Termus ki nka sta ta lembraba. Abrasus. ngosta txeu. 
    ps. Abo é makriadu moda tcheka kanta "subi na cocu bu dadji na nha mudjer..." hehehehehehe

    ResponderEliminar
  4. Não entendi nada, heehheheheheh

    ResponderEliminar
  5. Obrigado pa es "surupu" é son ki nu ta obi ora ke algen "sorbe" karkel likido, nes kazu kafé.
    "n'apu" N sa ta pensaba nun "kanhapu" ki as ves nu ta obi algen ta fla: "dixa-m tra un kanhapu".

    ResponderEliminar
  6. Ya, kanhapu ta sigui mesmo linha mas só ké pa kusa mas duro ou rixo hehehe;)

    ResponderEliminar
  7. Dai, 

    Estes dias vou escrever um livro cujo o título será: Badio para Totós :)

    ResponderEliminar
  8. Carlos mi é salbaxi propi! Thanks e volte sempre!

    ResponderEliminar